Dominus ac redemptor humani generis, suorum fidelium salutem desiderans, per semet ipsum protestatur, dicens: «Date helemosinam et omnia munda sunt vobis.» Quapropter ego, in Dei nomine, Æimo dono Deo et sanctis apostolis ejus Petro et Paulo, ad locum Cluniacum, aliquid ex rebus meis quę sunt sitę in pago Matisconense, in agro Galoniacense, subtus capellam Sancti Leodegarii: hoc est pratum unum quod terminatur a mane et a meridie terra Sancti Petri, a sero Bernardi et heredum suorum, a cirtio rivo volvente; et faciant rectores ipsius loci quicquid voluerint ab hodierno die et deinceps. Et dono in alio loco, ubi dicitur ad Vetus Furnum, de uno campo quantum in eo visus sum habere: ea ratione, ut quandiu vixero teneam et possideam, et in vestitura, singulis annis, de mea divisione, videlicet ipsius campi, septimam semper gerbam ad opus fratrum persolvam; et post meum discessum cum omni integritate ad Sanctum Petrum perveniat. Actum villa Maserias publice. S. Æymonis, S. Bernardi, qui fieri et firmare rogaverunt. S. Anselmi presbiteri. S. Duranni. S. Hugonis. Signum Wilelmi. Data mense junio, anno I regis Hugonis. Rostagnus scripsit.